सदगुरू

भारतीय साधन-पध्दतीमध्ये सदगुरू शरणागती सर्वप्रथम आहे. सदगुरूच्या कृपेशिवाय भक्तिसाधनेचे यथार्थ रहस्य समझत नाही. केवळ धर्मशास्त्र-पठणाने , अध्ययनाने भगवत-प्राप्ती असंभव आहे. सदगुरू साधनेतील धोके समजाऊन सांगून त्यापासून दक्ष कसे रहावे याचे मार्गदर्शन करतात. भगवत-प्राप्तीची साधना शिष्यालाच करावी लागते. सदगुरू आणि भगवान या मध्ये कोणताच फरक नाही, हेच गुरूतत्त्व आहे.

परंतू आज सदगुरू मिळणे अत्यंत कठीण आहे. लोभी, पाखंडी अनेक गुरू पहायला मिळतात. म्हणून सदगुरूंच्या वैशिष्ट्याची माहिती करून घेणे आवश्यक आहे.

सदगुरू शुध्द स्वभावाचा असावा. तो जितेंद्रिय असावा. वेदशास्त्रांचा जाणकार असावा. परोपकारी असावा. दयाळु असावा. सत्यवचनी असावा. योगविद्यामध्ये अनुभवसिध्द असावा. भगवत-भक्त असावा. धर्माचरण करणारा असावा.